नेपाल र युएई बीचको खेल रद्द, उपविजेता बन्दै नेपाल सेमिफाइनलमा
काठमाडौं । आईसीसी वुमन्स टी–२० विश्वकप एसिया छनोट अन्तर्गत नेपाल र युएईबीचको खेल सुरु नै नभई रद्द भएको छ ।
मलेसियामा जारी खेल वर्षाका कारण रद्द भएको हो । दुवै टोलीले अंक बाँडेका छन् । यसअघि समूह ‘ए’ मा नेपालले लगातार चार खेल जितेर सेमिफाइनलमा स्थान पक्का गरिसकेको छ ।
नेपाल र युएईको समान ९ अंक भएपनि नेट रनरेटका आधारमा युएई शीर्ष स्थानमा रहँदै समूह्य विजेता बन्दा बन्यो । नेपाल समूह उपविजेता बन्यो ।
नेपालले शुक्रबार हुने सेमिफाइनलमा समूह बी को विजेतासँग खेल्नेछ । आज नै हुने समूह बी का हङकङ र थाईल्यान्डबीचको खेलबाट नेपालको प्रतिद्वन्दी तय हुनेछ ।
सेमिफाइनलमा विजयी भएमा नेपालले महिला टी–ट्वान्टी विश्वकपको ग्लोबल छनोटमा स्थान बनाउने छ । प्रतियोगिताको फाइनल खेल शनिबार रहेको छ ।
फाइनलमा पुग्ने दुई टोलीले २०२४ मा हुने ग्लोबल टी–ट्वान्टी क्वालिफायर खेल्न पाउनेछन् ।
ताजा अपडेट
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
-
मन्त्रिहरुको सम्पत्ति सार्वजनिक गर्नेसहित यस्ता छन् मन्त्रिपरिषद्का १८ निर्णय
-
छोराको हत्या गर्ने महिला पक्राउ
-
फाष्ट ट्रयाक सडक आयोजनामा सुरुङमार्गको ‘ब्रेकथ्रु’
प्रतिक्रिया