काठमाडौं । परराष्ट्रमन्त्री एनपी साउदले संखुवासभाको उत्तरी चीनसँगको सीमावर्ती किमाथांका नाका खुलाउने विषयमा चीन सरकार सकारात्मक रहेको बताएका छन् ।

बुधबार संखुवासभाको तुम्लिङटार विमानस्थलमा पत्रकारहरूसँग कुराकानी गर्दै नाका खुलाउने विषयमा चीन सरकारसँग पटक–पटक कुराकानी भइरहेको भन्दै उनले यस विषयमा चीन सकारात्मक रहेको बताए ।

उनले प्रधानमन्त्रीको चीन भ्रमणमा किमाथांका नाका खुलाउने विषयको समेत एजेन्डा राखिएको जानकारी दिए ।