काठमाडौं । त्रिभुवन अन्तर्राष्ट्रिय विमानस्थलबाट बरामद ६० किलो सुन तस्करी प्रकरणमा थप एकजना पक्राउ परेका छन् । पछिल्लो पटक बाराका शिव कुमार सफरलाई केन्द्रीय अनुसन्धान ब्युरोले पक्राउ गरेको हो ।

बिहीबार साँझ बाराबाट पक्राउ परेका सफरलाई आज म्याद थपको लागि अदालतमा पेश गरिने प्रहरीका केन्द्रीय प्रवक्ता प्रहरी नायब महानिरीक्षक कुवेर कडायतले बताए। उनी बारा जिल्ला सुनचाँदी व्यवसायी संघका अध्यक्ष हुन्।

गत साउन ३ गते त्रिभुवन अन्तर्राष्ट्रिय विमानस्थलबाट बाहिरिएको सुन राजश्व अनुसन्धान विभागले सिनामंगलबाट बरामद गरेको थियो । सुन प्रकरणमा पक्राउ पर्नेहरुको संख्या २७ पुगेको छ ।