नेपाल थाइल्याण्डसँग पराजित, विश्वकपको ग्लोबल छनोटमा स्थान बनाउने सपना अधुरै
काठमाडौं । मलेसियामा जारी आईसीसी महिला टी–२० विश्वकप एसिया छनोटमा नेपाल थाइल्याण्डसँग पराजित भएको छ ।
थाइल्याण्डसँग ४६ रनले पराजित भएपछि नेपाले ग्लोबल क्वालिफायर पुग्न सकेन । २०२४ मा हुने ग्लोबल टि २० छनोट हुँदै विश्वकप खेल्ने नेपालको सपना अधुरै बनेको छ ।
थाइल्याण्डले दिएको १ सय ६ रनको लक्ष्यमा नेपालले ५९ रन मात्र बनाउन सक्यो । १९.३ ओभरमा नेपाल अलआउट भयो । नेपालका लागि कविता कुँवरले १७ रन बनाइन् भने कविता जोशी र अप्सरी बेगमले समान १० रन जोडे ।
बाँकीले दोहोरो अंकमा रन बनाउन सकेनन् । नेपाललाई अलआउट गर्न थाइल्याण्डकी ताईपत्छा पुतावोङ र ओनिचा काम्चोन्फुले ३–३ विकेट लिइन् । नातया बुताथमले २ विकेट लिइन् ।
त्यसअघि बांगीस्थित युकेएम वाइएसडी ओभलमा टस हारेर पहिले ब्याटिङ गरेको थाइल्याण्डले २ विकेट गुमाएर १०५ रन बनाएको थियो ।
थाइल्याण्डकी नानापात बोङ्खारोएन्काईले अविजित ५९ रन बनाइन् । चान्थमले ३१ रन बनाइन् । नेपालक लागि कविता र पुजाले समान एक विकेट लिए ।
ताजा अपडेट
-
कांग्रेसलाई ओलीको आग्रह : संसद्को गतिरोध अन्त्य गर्नुहोस्
-
व्यास नगरपालिका ‘पूर्णखोप सुनिश्चित’ घोषणा
-
कान्तिपुर मिडिया ग्रुपका अध्यक्ष कैलाश सिरोहियाविरुद्ध पक्राउ पुर्जी जारी
-
पशुपतिको भेटी चोरीमा कोषाध्यक्ष नै संलग्न, ज्याकेटमा लुकाएर दिनमै १५ हजारसम्म चोरी
-
मधेस सरकारको नेतृत्व परिवर्तन हुन्छ : अध्यक्ष नेपाल
प्रतिक्रिया