दुई करोड बढी धरौटीमा मीनबहादुरलाई रिहा गर्ने आदेश, कसलाई कति ?
काठमाडौं । काठमाडौं जिल्ला अदालतले ललिता निवास जग्गा प्रकरणमा पक्राउ परेका भाटभटेनी सुपरमार्केटका सञ्चालक मीनबहादुर गुरुङ धरौटीमा रिहा हुने भएका छन् । उनीसहित अन्य १६ जनालाई आज जिल्ला अदालत काठमाडौंले धरौटीमा रिहा गर्ने आदेश दिएको हो ।
आइतबार न्यायाधीश भोलानाथ ढकालको इजलासले गुरुङलाई रिहा गर्ने आदेश दिँदै दुई करोड ४६ लाख रुपैयाँ धरौटी माग गरेको छ ।
यो प्रकरणमा जिल्ला अदालत काठमाडौंले प्रतिवादी केशव तुलाधारबाहेक सबै आरोपितलाई धरौटीमा छाड्न आदेश दिएको हो । अन्य १६ जनालाई पनि धरौटीमा छोड्न आदेश दिइएको छ ।
कोसँग कति धरौटी ?
जिल्ला अदालतले कलाधार देउजा र विनोदप्रसाद पौडेललाई १५ लाख रुपैयाँ धरौटी तोकेको छ । त्यस्तै, रुद्रकुमार श्रेष्ठ, बालकृष्ण श्रेष्ठ, गोपाल कार्की, धमनकुमार कार्की, योगराज पौडेल, नारायण मिश्र, अरुणकुमार श्रेष्ठ, लोकहरी घिमिरेलाई ७ लाख ५० हजार धरौटी मागे गरेको छ ।
अन्य प्रतिवादीहरू शिवजी भट्टराई र ध्रुवप्रसाद अर्याललाई ३ लाख ३० हजार रुपैयाँ धरौटी तोकिएको छ भने बाबुराजा महर्जन। देवनारायण। सकलानन्द, संजय महर्जनलाई एक लाख १० हजार रूपैयाँ धरौटी तिरेर रिहा गर्ने आदेश दिइएको छ ।
ताजा अपडेट
-
‘मन्दीले ऋण प्रवाह घट्यो, बैंकले साना-ठूला भनेर भेदभाव गर्दैन’(अन्तर्वार्ता)
-
सुनको मूल्य दुई हजारले बढ्यो, कतिमा हुँदैछ कारोबार ?
-
सूचना-प्रविधि क्षेत्रको विस्तारका निम्ति नवप्रवर्तन कोष स्थापना गर्ने प्रधानमन्त्रीको घोषणा
-
चितवनमा मोटरसाइकल दुर्घटना हुँदा दुई जनाको मृत्यु
-
पोखरा अन्तर्राष्ट्रिय विमानस्थल खुल्यो
प्रतिक्रिया