काठमाडौं । एमाले उपाध्यक्ष सुवास नेम्वाङको पार्थिव शरीर घर लगिएको छ ।

सोमबार राती निधन भएका नेम्वाङको पार्थिव शरीर श्रदाञ्जलीका लागि एमाले पार्टी कार्यालय च्यासलमा राखिएको थियो ।

बुधबार विदेशबाट आएका दुबै छोराहरूले अन्तिम श्रद्धाञ्जली दिएपछि पार्थिव शरीर बालुवाटारस्थित निवासमा लगिएको हो ।

नेम्वाङका जेठा छोरा मिङ्सो बेलायतबाट आज बिहान काठमाडौं आइपुगेका हुन् भने कान्छा छोरा सुहाङ मंगलबार राति नै अष्ट्रेलियाबाट नेपाल आएका थिए ।

नेम्वाङको दाहसंस्कार भने भोलिमात्र हुने भएको छ । हिन्दू र लिम्बू परम्पराअनुसार पशुपति आर्यघाटमा भोलि ११ बजे दाहसंस्कार हुने बताइएको छ ।

सरकारले नेम्वाङको राजकीयसम्मानका साथ अन्त्येष्टि गर्ने र निधनको शोकमा सार्वजनिक विदासमेत दिने निर्णय गरेको छ ।