भातेखोला । साउथ एशियन कराँते प्रतियोगिता–२०८० मा बझाङका सुदीप कठायतले नेपाललाई प्रथम स्थान दिलाएका छन् ।

भारतको चेन्नईमा सम्पन्न भएको कराँते कपमा नेपालको तर्फबाट सहभागी कठायतले ५५ केजी तौलबाट प्रथम स्थान हासिल गरेका हुन् ।

कठायत जापान कराँते डो कोशीकाई सितोरियो सङ्घबाट नेपालको प्रतिनिधित्व गर्दै प्रतियोगितामा सहभागी भएका थिए ।

१८ वर्षीय कठायतले फाइनल खेलमा ५५ केजी तौल समूहबाट प्रतिस्पर्धामा उत्रेको बङ्लादेशलाई हराएर प्रथम स्थान हासिल गरेका हुन् । समूहको फाइनलमा प्रथम नेपाल, दोस्रो बङ्गलादेश र तेस्रो भारत भएका छन् ।

कठायत बझाङको मष्टा गाउँपालिका–२ बाडेगाउँको स्थायी निवासी हुन् ।