काठमाडौं । नेकपा एकीकृत समाजवादीले पार्टी निकट विद्यार्थी संगठन अनेरास्ववियूको नेतृत्वबाट बिदा सुदेश पराजुलीलाई केन्द्रीय सदस्यमा मनोनीत गरेको छ ।

केही महिनाअघि पराजुली विद्यार्थी संगठनको नेतृत्वबाट बिदा भएका थिए । त्यसपछि संगठनको नेतृत्व आरती लामाले गरिरहेकी छन् ।

एकीकृत समाजवादीले सुदेशसहित २१ जनालाई केन्द्रीय सदस्यमा मनोनीत गरेको हो ।

केन्द्रीय सदस्यमा मनोनित हुनेमा बाजुराका अजबहादुर मल्ल, भक्तपुरका ओमचरण अमात्य, काठमाडौंबाट पराजुली, गौतम राई, दिपक केसी, नन्द बञ्जाडे, रामप्रसाद ढुङाना र शिवकुमारी खनाल रहेका छन् ।

यस्तै मकवानपुरबाट गोविन्द चेपाङ, र मिना लामालाई केन्द्रीय सदस्य मनोनित गरिएको छ । यस्तै अन्यमा झापाका चन्द्रा श्रेष्ठ, सुनसरीका चिरञ्जीवी भट्टराई, बाराका जयप्रकाश यादव, दोलखाबाट धनबहादुर कार्की, मुगुका धर्म शाही रहेका छन् ।

यस्तै दैलेखबाट बरुनाथ योगी, पर्वतबाट बैकुण्ठ भुसाल पाँचथरबाट भक्तिमान सुब्बा, कपिलवस्तुबाट लंक हमाल, नवलपरासी पूर्वबाट शालिकराम भट्टराई र रूपन्देहीबाट शैलेन्द्र उपाध्याय मनोनित भएका छन् ।