काठमाडौं । नेपाली काँग्रेसका महामन्त्री विश्वप्रकाश शर्माले संसदमा दर्ता भएको शिक्षा विधेयक यथास्थितीमा स्विकार गर्न नसकिने बताएका छन् ।

झापामा भएको एक कार्यक्रमलाई सम्बोधन गर्दै महामन्त्री शर्माले यो विधेयक अहिलेकै अवस्थामा आफूहरूले स्वीकार नगर्ने प्रस्ट पारेका हुन् ।

महामन्त्री शर्माले यस विषयमा आफुले संसदमा उठाउन बताए । उनले शिक्षा विधेयको विरोध नगर्ने भन्दै केही बुँदाहरू भने स्वीकार्य नहुने बताएका हुन् ।

संविधानले दिएको अधिकार कुण्ठित गर्ने गरी विधेयकमा राखिएका विषयवस्तुहरू हटाउनुपर्नेमा उनको जोड छ । संविधानले दिएको ट्रेड युनियनको अधिकार रक्षाका लागि आफु शिक्षकहरूसँगै सङ्घर्षमा रहने उनले बताए ।

पहिला पनि यसरी विधेयक प्रस्ताव गर्दा आफूहरूले सच्याएर ल्याउनका लागि अनुरोध गरेको भन्दै शर्माले फेरि पनि नसच्याई विधेयक ल्याएकोप्रति आफूहरूको आपत्ति रहेको बताए ।