काठमाडाैं । एसिया कप २०२३ को फाइनल खेल अन्तर्गत भारविरुद्ध श्रीलंकाले खराब सुरुवात गरेको छ ।

टस जितेर पहिला ब्याटिङ रोजेको श्रीलंकाले ४ ओभर पुरा खेल्न नपाउँदै ५ विकेटको नोक्सानी व्यहोरेको छ ।

श्रीलंकाको कोलम्बोस्थित आर प्रेमदासा रंगशालामा जारी फाइनल खेलमा श्रीलंकाले पथुम निसान्का सिल्भा, मथुरेज डन कुसल जनिता परेरा, धनन्जय मदुरङ्गा डी सिल्भा, वेदगेदार सदीर राशेन समरविक्रमा र करियावासम इन्दिपलागे चरित असलंका आउट भएका छन् ।

भारतले पहिलो विकेटका रुपमा ओपनर ब्याट्सम्यान मथुरेज डन कुसल जनिता परेरालाई पहिलो ओभरको तेस्रो बलमा आउट गराएको हो । उनलाई भारतीय बलर जसप्रित बुम्राहले केएल राउलबाट क्याट आउट गराए । उनले २ बल खेल पनि रन जोड्न सकेनन् ।

भारतले दोस्रो विकेटकारुपमा पथुम निसान्का सिल्भाको विकेट लियो । उनलाई महोम्मद सिराजले आउट गराएका हुन् । निसान्काले ४ बल खेल्दै २ रन जोडेका थिए । उनि तेस्रो ओभरको पहिलो बलमा आउट भएका थिए ।

श्रीलंकाको तेस्रो विकेटकारुपमा वेदगेदार सदीर राशेन समरविक्रमालाई गुमायो । उनको विकेट पनि सिराजको नाममा रहयो । सिराजले उनलाई ‘एलबि डब्ल्यु’ आउट गराए । उनले २ बल खेले पनि रन जोड्न सकेनन् ।

त्यसपछि भारतको आक्रामक ब्याटिङले तिब्रता पायो । र चौथो विकेटकारुपमा भारतले करियावासम इन्दिपलागे चरित असलंकालाई आउट गरायो । उनि तस्रो ओभरको चौथो बलमा सिराजबाट आउट भए । योसँगै सिराजले ह्याट्रिक गरे । यो उनको नाममा तेस्रो विकेट थियो । उनि पहिलो बलमा नै आउट भए ।

त्यसपछि लगत्तै तेस्रो ओभरको अन्तिम बलमा धनन्जय मदुरङ्गा डी सिल्भा पनि आउट भए । उनलाई पनि सिराजले नै आउट गराएका हुन् । उनले २ बलमा ४ रन जोडे । यो सिराजको नाममा चौथो विकेट दर्ज भयो ।