काठमाडौं । हाथवे इन्भेष्टमेन्ट नेपालको आइपिओ बाँडफाँट भएको छ । कम्पनीले आज आइपिओ बाँडफाँट गरेको हो ।

कम्पनीका अनुसार उक्त आइपिओमा १२ लाख ७० हजार ९९१ जनाले आवेदन दिएका थिए । जसमध्ये १ लाख २१ हजार ३८७ जनाको आवेदन रद्द भएको छ । बाँडफाँट भएको आइपिओमा गोलाप्रथामार्फत १ लाख २१ हजार ३८७ जना सर्वसाधारण आवेदकहरुले २० कित्ताका दरले सेयर पाएको कम्पनीले जनाएको छ ।

कम्पनीले भदौ २१ गतेदेखि २५ गतेसम्म सर्वसाधारणका लागि प्रतिकित्ता ५० रुपैयाँका दरले आइपिओ निश्काशन गरेको थियो । लगानीकर्ताले बिक्री प्रबन्धक ग्लोबल आइएमई क्यापिटलको वेबसाइट र मेरोसेयर एकाउन्टबाट आइपिओको नतिजा हेर्न सक्ने छन् ।