पब्जीमा नेपाल सेमिफाइनलमा

विश्वकप लिग-२ मा नेपालले क्यानडासँग खेल्दै, शीर्ष ६ मा स्थान सुरक्षित गर्ने अवसर

नेपालवाच २०८० असोज १३ गते ८:१४

काठमाडौं । ई–स्पोर्ट्सको पिस एलिस एसियन गेम्स भर्सन (पब्जी) मा नेपाली टोली सेमिफाइनल प्रवेश गरेको छ ।

चीनको हान्झाउमा जारी १९औँ एसियाली खेलकुद प्रतियोगिताअन्तर्गत नेपालले पब्जीतर्फ सेमिफाइनल यात्रा तय गरेको हो ।

चाइना हाङझाउ इस्पोर्ट्स सेन्टरमा आज भएको क्वाटरफाइनल खेलमा आफ्नो समूहमा दोस्रो हुँदै नेपाल सेमिफाइनलमा पुगेको छ ।

नेपालका सुबिनकुमार प्रजापति, दीपेश गुरुङ, साहस भण्डारी, समीर गुरुङ र सङ्गिन भट्टराई सम्मिलित नेपाली टिम ५४ मिनेट ४ दशमलव ८४२ सेकेण्डमा समूह सीमा दोस्रो भएको हो । यही समूहको हङकङ शीर्ष स्थानमा रहँदै सेमिफाइनल पुगेको छ ।