एमालेको कोशी अधिवेशन : उपाध्यक्ष सर्वसम्मत, बाँकीमा चुनाव हुँदै
काठमाडौं । नेकपा एमालेको कोशी प्रदेश उपाध्यक्षमा टीकाराम चेम्जोङ सर्वसम्मत हुने भएका छन् । उपाध्यक्षमा चेम्जोङको मात्र एकल उम्मेदवारी परेपछि उनी सर्वसम्मत हुन लागेका हुन् ।
एमाले राजनीतिमा सक्रिय चेम्जोङ यसअघि पनि प्रदेश उपाध्यक्ष थिए ।
अन्य पदमा भने प्रतिस्पर्धा हुने भएको छ । अध्यक्षमा विनोद ढकाल र घनश्याम खतिवडाको आमनेसामने भएका छन् ।
सचिवमा शैलेस लामा र राजकुमार भण्डारीबीच प्रतिस्पर्धा हुँदैछ । लामा प्रदेश कमिटीका निवर्तमान उपसचिव हुन् भने भण्डारी पाँचथर जिल्लाका पूर्वअध्यक्ष ।
त्यसैगरी, दुई उपसचिव पदमा भविश्वर गुरुङ, देवान राई, जलवर्षा राजवंशी र खेम नेपालीले उम्मेदवारी दर्ता गराएका छन् ।
२१५ सदस्यीय प्रदेश कमिटीमा १५ सदस्य सर्वसम्मत भएका छन् । बाँकीका लागि भने मतदान हुनेछ ।
ताजा अपडेट
-
सूचना आयोगले सूचनाको हकसम्बन्धी क्षेत्रमा उत्कृष्ट १३ जनालाई पुरस्कृत गर्ने
-
कसैलाई प्रोत्साहित गर्न र कसैलाई कमजोर पार्न करको दर हेरफेर हुँदैन : अर्थमन्त्री पुन
-
काठमाडौँ महानगरको श्रम बैंकबाट चार सयभन्दा बढी रोजगार
-
चीनमा पाँच लाखभन्दा बढी अपाङ्गता भएका व्यक्ति नयाँ रोजगारीमा
-
६ सचिवको सरुवा, पर्यटन, शिक्षा र कृषि सचिव फेरिए
प्रतिक्रिया