काठमाडौं । देउराली बचत तथा ऋण सहकारी संस्थाका अध्यक्ष रवीन्द्र चौलागाइ पक्राउ परेका छन् ।

केन्द्रीय अनुसन्धान ब्यूरो (सीआईबी) ले बचत कर्ताको साढे ४ करोड रकम हिनामिना गरेको आरोपमा उनलाई पक्राउ गरेको हो ।

आकर्षक ब्याज दिने भनेर प्रलोभन देखाएर बचतकर्ताको ४ करोड ४९ लाख ९९ हजार रुपैयाँ बचत रकम अपचलन तथा हिनामिना भएको देखिएको सीआइबीले जनाएको छ ।

बचतको अवधि सकिएपछि सम्पूर्ण साँवा, ब्याज फिर्ता गर्ने भन्दै बचत गर्न लगाएका थिए । समय पूरा भएपछि पनि आफ्नो बचत फिर्ता नपाएपछि बचत कर्ताले प्रहरीमा उजुरी गरेका थिए ।