काठमाडौं । एक दिवसिय विश्वकप क्रिकेट अन्तर्गत भएको उद्घाटन खेलमा इङ्ल्यान्डले न्युजल्यान्डलाई जितका लागि २ सय ८३ रनको लक्ष्य प्रश्तुत गरेको छ ।

नरेन्द्र मोदी क्रिकेट स्टेडिय अहम्दाबादमा न्युजल्यान्डले टर जितेर बलिङ रोजेको थियो । इङ्ल्यान्डले निर्धारित ५० ओभर खेल्दै ९ विकेटको क्षतिमा २ सय ८२ रन बनाएको हो ।

आजको खेलमा शीर्षक्रमका ब्याटर जो रुटले अर्धशतक बनाउन सफल भए । रुटले ८६ बलमा ४ चौका र १ छक्कासहित सर्वाधिक ७७ रनको योगदान दिए ।

कप्तान जस बटलर ४२ बलमा २ चौका र २ छक्कासहित ४३ रनमा आउट भए । ओपनर जोनी बेयरस्टो ३५ बलमा ४ चौका र १ छक्कासहित ३३ रन बनाउँदै आउट भए ।

अर्का ओपनर डेविड मलान १४, ह्यारी क्रुक २५, मोईन अली ११, लियाम लिभिङस्टोन २०, साम करन १४ र क्रिस वोक्स ११ रनमा आउट भए । आदिल राशिद १५ र मार्क वुड १३ रनमा नटआउट रहे ।

न्युजिल्यान्डका तीव्र गतिका बलर म्याट हेनरीले १० ओभरमा ४८ रन खर्चेर ३ विकेट लिए । स्पिनर मिचेल सान्टनारले १० ओभरमा ३७ रन खर्चेर २ विकेट लिए ।

ट्रेन्ट बोल्टले १० ओभरमा १ मेडनसहित ४८ रन खर्चेर १ विकेट लिए । ग्लेन फिलिप्सले ३ ओभरमा १७ रन खर्चेर २ विकेट लिए ।