यी हुन् एमालेको उपत्यका विशेष प्रदेश कमिटीका निर्विरोध निर्वाचित पदाधिकारी

नेपालवाच २०८० असोज २१ गते १२:१६

काठमाडौं । नेकपा एमालेको उपत्यका विशेष प्रदेश कमिटीको अध्यक्षमा प्रेम कुमार पराजुलीसहित पदाधिकारीहरु निर्विरोध निर्वाचित भएका छन् ।

उपाध्यक्षमा विदुर कार्की र सचिवमा मिलनराज धरेल चयन हुँदा उपसचिवमा जितेन्द्र श्रेष्ठ र उर्मिला सुनुवार निर्विरोध भए ।

पराजुलीसँगै पार्टी केन्द्रीय सदस्य तथा उपत्यका विशेष प्रदेश कमिटीका उपसचिव चन्द्र रिजालले पनि उम्मेदवारी दर्ता गराएका थिए । तर पछि रिजालले उम्मेदवारी फिर्ता लिएकाले पराजुली सर्वसम्मत भएका हुन् ।

केही सदस्यहरुमा भने निर्वाचन भएको छ ।