NepalWatch

News Portal For Eeverything In Nepal from Nepal

२०८१ साउन ८ गते

सुन प्रकरणमा सिआइबीले छोरा राहुलविरुद्ध मुद्दा दायर गर्ने बाबुविरुद्ध नगर्ने

काठमाडौं । नेपाल प्रहरीको केन्द्रीय अनुसन्धान ब्यूरो(सिआइबी) ले पूर्वसभामुख तथा माओवादी केन्द्रका उपाध्यक्ष कृष्णबहादुर महराविरूद्ध मुद्दा दायर नगर्ने भएको छ ।

भेप सुन प्रकरणमा मुछिएका महराविरूद्ध सिआइबीले मुद्दा दायर गर्नुनपर्ने निष्कर्ष निकालेको हो । यद्यपि एकै प्रकरणमा संलग्नता देखिएको भनिएका बाबुविरूद्ध मुद्दा दायर नगर्ने निर्णय हुँदा उनका छोरा राहुलविरूद्ध भने सिआइबीले मुद्दा चलाउन सरकारी वकिलको कार्यालयलाई सिफारिस गरेको छ ।

आज सिआइबीले सरकारी वकिलको कार्यालय, काठमाडौंमा बुझाएको प्रतिवेदनमा राहुलसहित दावा छिरिङ र दावाजिन वाङका चालक लोकेन्द्र पौडेलविरूद्ध मुद्दा दायर गर्न सिफारिस गरेको हो ।

गत २९ माघ २०७९ मा त्रिभुवन अन्तर्राष्ट्रिय विमानस्थल भन्सार कार्यालयले ई–सिगरेट(भेप) मा सुन बरामद गरेको थियो ।