काठमाडौं । काठमाडौं महानगरपालिकाले व्यावसायिक रुपमा सवारी साधन पार्किङ सञ्चालन व्यवस्थापनका लागि सूचना जारी गरेको छ ।

महानगर भित्र व्यवसायिक रुपमा पार्किङ सञ्चालन गर्ने व्यक्ति, संघ संस्था वा कम्पनीले १५ दिन भित्र सम्बन्धित वडा कार्यालयमा व्यवसाय दर्ता गर्नुपर्नेछ ।

त्यस्तै, काठमाडौँ महानगरपालिकाको आर्थिक ऐन, २०८० ले तोके बमोजिम समय र शुल्कसमेत उल्लेखित सूचना सबैले देख्ने गरी टाँस्न पनि महानगरले भनेको छ ।

पार्किङ स्थल निर्माण गर्दा पिच, ढलान वा सिमेन्टको ब्लकको प्रयोग गर्नुपर्ने महानगरले जारी गरेको सूचनामा उल्लेख छ ।