त्रिकोणात्मक टी-२० श्रृंखलाबाट सन्दीपले लिए नाम फिर्ता
काठमाडौं । नेपाली राष्ट्रिय क्रिकेट टिमका पूर्व कप्तान सन्दीप लामिछानेले त्रिकोणात्मक टी-२० श्रृंखलाबाट आफ्नो नाम फिर्ता लिएका छन् ।
नेपाल क्रिकेट संघ (क्यान) ले नेपाल, यूएई र हङकङ सम्मिलित त्रिकोणात्मक सिरिज आयोजना गरेको छ, जसका खेलहरु १ कात्तिकदेखि १० गतेसम्म हुनेछ ।
सन्दीपले सामाजिक सञ्जालमार्फत उक्त प्रतियोगिता नखेल्ने निर्णय लिएको बताएका छन् ।
आफ्नो जीवनको कठिन र चुनौतीपूर्ण समयबाट गुज्रिरहेको उनले बताएका छन् । उनले परिवारसँग समय बिताउन चाहेको पनि उल्लेख गरेका छन् ।
उनले लेखेका छन्, ‘भारी मनका साथ आगामी प्रतियोगिताबाट नाम फिर्ता लिने निर्णय गरेको छु । म मेरो जीवनको कठिन र चुनौतीपूर्ण समयहरूबाट गुज्रिरहेको छु। मैले आफूलाई पुनर्जीवित गर्न आवश्यक छ र परिवारलाई समय चाहिन्छ भन्ने महसुस गरेको छु।’
उनले अहिलेसम्म पाएको आशीर्वाद र शुभकामनाका लागि सबैलाई धन्यवाद पनि दिएका छन् ।
ताजा अपडेट
-
चीनमा पाँच लाखभन्दा बढी अपाङ्गता भएका व्यक्ति नयाँ रोजगारीमा
-
६ सचिवको सरुवा, पर्यटन, शिक्षा र कृषि सचिव फेरिए
-
बजेटमा चलखेल गर्ने चर्चित पूर्वनासुलाई अदालतले दियो सफाइ
-
काठमाडौं महानगरपालिकले लोक सेवाको तयारी कक्षा निशुल्क चलाउने
-
‘विपद् व्यवस्थापन गर्न बजेट होइन इच्छाशक्ति हुनुपर्छ’
प्रतिक्रिया