ओली भेट्न बालकोटमा कार्की

राजावादीको आन्दोलन अर्थहिन रहेको सभापति देउवाको भनाइ

नेपालवाच २०८० असोज २८ गते ११:२४

काठमाडौं । कोशी प्रदेशका नवनियुक्त मुख्यमन्त्री केदार कार्कीले एमाले अध्यक्ष केपी शर्मा ओलीलाई भेटेका छन् ।

कार्की कांग्रेसबाट विद्रोह गरेर संविधानको धारा १६८ (५०) अन्तर्गत एमालेको समर्थनमा कोशीको मुख्यमन्त्री बनेका हुन् । कार्की मुख्यमन्त्री नियुक्त भएको भोली पल्ट अध्यक्ष ओलीलाई भेट्न उनकै निवास भक्तपुरको बालकोट पुगे ।

मुख्यमन्त्री नियुक्त भएपछि उनी शनिवार काठमाडौं आएका थिए । उनले हिजै कांग्रेस नेता शेखर कोइरालालाई भेटेका थिए । कार्कीले आज पद तथा गोपनीयताको शपथ लिने छन् ।

कांग्रेसबाट विद्रोह गरेका कार्कीले नेकपा एमालेबाट एक र आफूलाई साथ दिएका एक जना कांग्रेस सांसदलाई आजै मन्त्री नियुक्ति गर्ने तयारी पनि गरेका छन्।