अपराजित भारतसँग भिड्दै साबिक विजेता इङ्गल्यान्ड
काठमाडौं । आईसीसी एकदिवसीय विश्वकपमा आज घरेलु टोली भारत र साबिक विजेता इङ्गल्यान्डबिच खेल हुने भएको छ ।
खेल लखनउस्थित एकाना क्रिकेट स्टेडियममा नेपाली समयअनुसार, दिउँसो सवा २ बजेबाट सुरु हुनेछ । जारी विश्व कपमा भारत ५ खेलमा अपराजित छ ।
इङ्गल्यान्डले खेलेका पाँचमध्ये चारमा हार बेहोरेको छ । जारी विश्वकपमा हालसम्म भारत एक मात्र अपराजित राष्ट्र पनि हो । हालसम्म इङ्गल्यान्ड र भारतबिच एक सय ६ वटा एकदिवसीय अन्तर्राष्ट्रिय प्रतियोगिता खेलिएको छ ।
त्यसमध्ये ५७ खेलमा भारत र ४४ खेलमा इङ्गल्यान्डले सफलता हात पारेका छन् । यी दुई राष्ट्रबिचको तीन खेल अनिर्णीत रूपमा र दुई खेल बराबरीमा सकिएका छन् ।
आफ्नो घरेलु मैदानमा खेलिएको ३३ खेलमा भारतले इङ्गल्यान्डलाई हराएको छ । इङ्गल्यान्डले भने आफ्नो घरेलु मैदानमा खेलिएको २३ खेलमा भारतलाई हराएको छ ।
इङ्गल्यान्डको मैदानमा भारतले १८ र भारतको मैदानमा इङ्गल्यान्डले १७ खेल जितेका छन् ।
ताजा अपडेट
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
-
मन्त्रिहरुको सम्पत्ति सार्वजनिक गर्नेसहित यस्ता छन् मन्त्रिपरिषद्का १८ निर्णय
-
छोराको हत्या गर्ने महिला पक्राउ
-
फाष्ट ट्रयाक सडक आयोजनामा सुरुङमार्गको ‘ब्रेकथ्रु’
प्रतिक्रिया