काठमाडौं । अब सवारी चेकजाँचमा पर्दा नागरिक एपबाटै लाइसेन्स देखाउन मिल्ने भएको छ ।

नागरिक एपले आज एक सूचना जारी गर्दै यस्तो बताएको हो । अब देशभर जहाँ भएपनि ट्राफिक प्रहरीलाई सवारी चालकले नागरिक एपमा लिंक गरेको सवारी अनुमतिपत्र देखाउन सक्छन् ।

जारी सूचना अनुसार नेपाली नागरिकले ट्राफिक नियम उल्लंघन नगरी सवारी चलाउँदा चेकजाँचमा नागरिक एपमार्फत देखाएको लाइसेन्सलाई मान्यता दिने व्यवस्था देशभर कार्यान्वयनमा आएको छ ।

यसको लागि नागरिक एपमा आफ्नो सवारी चालक अनुमति पत्र लिंक गर्न सकिन्छ । यो व्यवस्था देशभर कार्यान्वयनमा आएसँगै अब सवारी चालकले लाइसेन्स बोकेरै हिँड्नुपर्ने अवस्थाको अन्त्य भएको छ ।