काठमाडौं । सोमबारयता सुनको मूल्यमा गिरावट जारी छ । नेपाल सुनचाँदी व्यवसायी महासंघका अनुसार बुधबार सुनको मूल्य प्रतितोला एक हजार रूपैयाँ घटेर १ लाख १५ हजार रूपैयाँमा कारोबार भइरहेको छ ।

मंगलबार छापावाल सुन प्रतितोलाएक लाख १६ हजार रूपैयाँमा कारोबार भएको थियो । त्यस्तै बुधबार तेजावी सुन प्रतितोला एक लाख १४ हजार ४५० रूपैयाँमा कारोबार भइरहेको छ ।

मंगलबार बढेको चाँदीको मूल्य आज ३५ रूपैयाँ घटेर एक हजार ३८५ रूपैयाँमा कारोबार भइरहेको छ । मंगलबार चाँदी एक हजार ४२० रूपैयाँमा कारोबार भएको थियो ।