नबिल इक्वीटी फण्डको सूचीकरण खारेज

नेपालवाच २०८० कार्तिक १६ गते १२:५७

काठमाडाैं । नबिल इक्वीटी फण्डको स्कीम सूचीकरण खारेज भएको छ । नेपाल स्टक एक्सचेञ्जले बुधबार सूचना जारी गर्दै फण्डको स्कीम खारेज गरेको हो ।

उक्त फण्ड कार्तिक १८ गतेबाट परिपक्क हुन लागेकोले खारेज गरेको नेपाल स्टक एक्सचेञ्जले जनाएको छ । यस योजना परिपक्क पश्चात खारेजी प्रक्रियामा जानेछ ।

नबिल म्युचुअल फण्डअन्तर्गत सञ्चालित नबिल इक्वीटी फण्ड सात वर्षे अवधिको बन्दमुखी योजना रहेको छ । यो योजना सञ्चालनका लागि योजना व्यवस्थापकले २०७३ साल भदौ १४ गते अनुमति प्राप्त गरेको थियो ।