काठमाडौं । नबिल बैंकले चालु आर्थिक वर्षको पहिलो त्रैमासिक (साउन-असोज) सम्ममा १ अर्ब ४६ करोड ९३ लाख रुपैयाँ नाफा कमाएको छ । जुन गत वर्षको तुलनामा कम हो । गत वर्षको सोही अवधिमा नबिलले १ अर्ब ५७ करोड रुपैयाँ नाफा कमाएको थियो ।

पहिलो त्रैमासिकममा नबिल बैंकले बैंकले ४ खर्ब १४ अर्ब ४७ करोड ८० लाख २८ हजार रुपैयाँ निक्षेप संकलन गरेको भने ५३ अर्ब ५६ करोड ६४ लाख ८८ हजार रुपैयाँ कर्जा लगानी गरेको छ । त्यस्तै यस अवधिमा बैंकको खुद ब्याज आम्दानी बढेको छ भने सञ्चालन नाफा घटेको छ । असोजसम्ममा बैंकले ४ अर्ब १७ करोड ३९ लाख ४६ हजार रुपैयाँ खुद ब्याज आम्दानी गरेको छ ।

हाल बैंकको चुक्तापुँजी २७ अर्ब ५ करोड रुपैयाँ रहेको छ भने जगेडा कोषमा २८ अर्ब ३९ करोड रुपैयाँ रहेको छ ।

बैंकको खराब कर्जा १.५८ प्रतिशत छ । त्यस्तै बैंकको प्रतिसेयर आम्दानी २१.३१ रुपैयाँ, प्रतिसेयर नेटवर्थ २१८.२७ रुपैयाँ रहेको छ ।