काठमाडौं । शुक्रबार राति गएको भूकम्पमा परी जाजरकोट र रुकुम पश्चिममा गरी हालसम्म मर्नेको सङ्ख्या १३३ पुगेको छ ।

नेपाली प्रहरीले सार्वजनिक गरेको तथ्यांक अनुसार शनिबार बिहान १०ः३० बजेसम्म १३३ जनाको मृत्यु भएको छ भने १४० जना घाइते भएका छन् ।

भूकम्पमा परि जाजरकोटमा ९५ जनाको मृत्यु भएको छ भने रुकुमपश्चिममा ३८ जनाको मृत्यु भएको छ ।

जाजरकोटका ५५ घाइतेमध्ये ३३ जनाको जाजरकोटमा उपचार भइरहेको छ भने २२ जनालाई थप उपचारका लागि सुर्खेत पठाइएको छ ।

त्यस्तै रुकुम पश्चिमका ८५ घाइतेमध्ये ४० जना उपचाररत छन् । १५ जनालाई थप उपचारका सुर्खेत रिफर गरिएको छ भने ३० जनालाई डिस्चार्ज गरिएको प्रहरीले जनाएको छ ।

जाजरकोटलाई केन्द्रविन्दु बनाएर गए राति गएको ६ दशमलव ४ रेक्टरको भूकप्प गएको थियो । अहिले सबै सुरक्षा निकायको समन्वयमा स्थानीय जनप्रतिनिधि र नागरिकको समेतको सहयोगमा उद्धार जारी रहेको छ ।