काठमाडाैं । नेपाल पुनर्बीमा कम्पनीले जाजरकोट र रुकुम पश्चिमका भूकम्प पीडितलाई २५ लाख सहयोग प्रदान गरेको छ । कम्पनीले संस्थागत सामाजिक उत्तरदायित्वअन्तर्गत प्रधानमन्त्री दैवी प्रकोप उद्धार कोषमा उक्त रकम सहयोग प्रदान गरेको हो ।

शुक्रबार राति कर्णाली प्रदेशको जाजरकोट जिल्लामा केन्द्र विन्दु भई गएको विनाशकारी भूकम्पले जाजरकोट, रुकुम पश्चिमलगायत वरपरका जिल्लामा ठुलो जनधनको क्षति भएको छ । कम्पनीले प्रकोपबाट ज्यान गुमाएका परिवारप्रति समवेदना व्यक्त गर्दै घाईतेहरुको स्वास्थ लाभको लागि कामना गरेको छ । भूकम्पकै कारण कम्पनीले कार्तिक २१ गते गर्ने भनेको वार्षिक साधारणसभा स्थगितसमेत गरेको थियो ।