टिकटक प्रतिबन्धविरुद्ध सर्वोच्चमा रिट

म्याक्स टाइगरको क्यान खोल्दा चम्कियो भाग्य, तिन जनाले जिते बाइक र स्कुटर !

नेपालवाच २०८० मंसिर १ गते ११:३७

काठमाडौं । टिकटक प्रतिबन्ध लगाउने निर्णय बदरको माग गर्दै सर्वोच्च अदालतमा रिट निवेदन दायर भएको छ ।

आज टिकटक प्रतिबन्धविरुद्ध अधिवक्ता दिनेश त्रिपाठी सर्वोच्च रिट लगेर पुगेका हुन् ।

मन्त्रिपरिषद्को गत सोमबारको बैठकले “सामाजिक सञ्जालको रुपमा प्रयोग भइरहेको टिकटकका माध्यमबाट सामाजिक सद्भाव बिग्रने वातावरण बनेको भन्दै नेपालमा टिकटकको प्रयोगमा तत्काल रोक लगाउने” निर्णय गरेको थियो ।

टिकटक प्रतिबन्ध लगाएसँगै सामाजिक सञ्जालमा यसको पक्ष र विपक्षमा आलोचनाहरु भइरहेको छ ।