धनगढी । शान्ति सुरक्षामा खटिने प्रहरी नै चोरीमा पक्राउ परेका छन् । कैलालीको धनगढीस्थित स्वस्तिक अस्पतालबाट ल्यापटप चोरी गरेको आरोपमा सशस्त्र प्रहरीका एकजना सहायक निरीक्षक (असई) रमेश भण्डारी पक्राउ परेका छ्न ।

असई भण्डारी दार्चुलामा कार्यरत छन् । अस्पतालको कोठामा कोही नभएको मौकामा उनले ल्यापटप चोरेका हुन् । असई भण्डारीलाई थुनामा राखी कारबाही अघि बढाइएको जिल्ला प्रहरी कार्यालय, कैलालीका प्रहरी नायब उपरीक्षक कुलदीप चन्दले बताए । चोरीको ल्यापटप पनि प्रहरीले बरामद गरेको छ । असई भण्डारीलाई सशस्त्र प्रहरीले पनि कडा कारबाहीको तयारी गरेको छ ।

सिसिक्यामेराको सहयोगमा उनलाई पक्राउ गरिएको कैलाली प्रहरीले जनाएको छ ।