काठमाडौं । नेपाल दूरसञ्चार प्राधिकरणले कुनै इन्टरनेट वा मोबाइल सेवा प्रदायक कम्पनिको नेटवर्कबाट अझै टिकटक प्रयोग भएको पाइएमा खबर गर्न सूचना जारी गरेको छ ।

सरकारले सामाजिक सद्भावमा असर परेको भन्दै प्रतिबन्ध लगाएपछि दूरसञ्चारले उक्त निर्णय कार्यान्वयन गराएको छ ।

तर, अझै पनि नेपालमा टिकटक प्रयोग भइरहेको हुनसक्ने भन्दै प्राधिकरणले सूचना जारी गरेर त्यस्तो भेटिए खबर गर्न आग्रह गरेको हो । सूचना दिँदा कुन कम्पनीबाट चलेको हो भन्नेबारेमा जानकारी गराउनु पर्नेछ ।

सरकारको निर्णय कार्यान्वयनका लागि सबै इन्टरनेट सेवा प्रदायक र मोवाइल सेवा प्रदायकलाई पत्र पठाएर टिकटक बन्द गर्न निर्देशन दिएको थियो ।