काठमाडौं । नेपाल राष्ट्र बैकले चालु आर्थिक वर्षको दोस्रो त्रैमास (कार्तिक- पुस मसान्तसम्म) मा ३१ अर्ब रुपैयाँ आन्तरिक ऋण उठाउने भएको छ।

राष्ट्र बैंकले ट्रेजरी बिलमार्फत १० अर्ब रुपैयाँ  / विकास ऋणपत्रबाट २१ अर्ब रुपैयाँ गरी कुल ३१ अर्ब रुपैयाँ आन्तरिक ऋण उठाउने  भएको हो।

पहिलो त्रैमासमा राष्ट्र बैंकले ट्रेजरी बिलमार्फत पाँच अर्ब र विकास ऋणमार्फत ९२ अर्ब गरी ९७ अर्ब ३१ करोड रुपैयाँ आन्तरिक ऋण उठाएको थियो।

तेस्रो त्रैमासमा राष्ट्र बैंकले ४७ अर्ब ६९ करोड रूपैयाँ आन्तरिक ऋण उठाउने तालिका सार्वजनिक गरेको छ । जसमा ट्रेजरी बिलमार्फत १५ अर्ब र विकास ऋणपत्रमार्फत ३२ अर्ब ६९ करोड रूपैयाँ उठाउने लक्ष राखेको छ ।

त्यस्तै चौथो त्रैमासमा राष्ट्र बैंकफे ६४ अर्ब रुपैयाँ आन्तरिक ऋण उठाउने भएको छ । जसअन्तर्गत ट्रेजरी बिलमार्फत २५ अर्ब र ३३ अर्ब विकास ऋणपत्रमार्फत उठाउने भएको छ । यसरी  चालु आर्थिक वर्षमा राष्ट्र बैंकले कुल २ खर्ब ४० अर्ब रुपैयाँ आन्तरिक ऋण उठाउने लक्ष्य राखेको छ।