काठमाडौं । न्यायपरिषदले सर्वोच्च अदालतको न्यायाधीशमा ६ जनालाई सिफारिस गरेको छ ।

परिषद्को सचिवालयमा आज बसेको बैठकले उच्च अदालतका न्यायाधीशबाट सारंगा सुवेदी, महेश शर्मा पौडेल, टेकप्रसाद ढुंगाना र अब्दुल अजिद मुसलमान गरी चार जना र बरिष्ठ अधिवक्ता बालकृष्ण ढकाल र सुनिल पोखरेललाई सर्वोच्च अदालतको न्यायाधीश नियुक्तका लागि सिफारिस गरेको हो ।

उनीहरूलाई संसदीय सुनुवाइ समितिले अनुमोदन गरेपछि नियुक्ति हुनेछ।