काठमाडौं । आइतबार सुनको मूल्यले नयाँ रेकर्ड कायम गरेको छ । नेपाल सुनचाँदी व्यवसायी महासंघका आज सुनको मूल्य एक हजार ८ सय रुपैयाँले उकालो लागेर एक लाख २० हजार ८ सय रुपैयाँमा कारोबार भइरहेको छ । जुन हालसम्मकै उच्च हो ।

यसभन्दा अघि विहीबार सुनको मूल्यले नयाँ रेकर्ड कायम गरेको थियो । बिहीबार सुनको मूल्य एक लाख १९ हजार तीन सय रुपैयाँमा कारोबार भएको हो । शुक्रबार भने सुनको मूल्य तीन सय रुपैयाँले घटेर एक लाख १९ हजार रूपैयाँमा कारोबार भएको थियो ।

त्यस्तै आज तेजावी सुन प्रतितोला एक लाख १९ हजार ४५० रुपैयाँमा कारोबार भइरहेको छ ।

आज चाँदीको मूल्य प्रतितोला ५ रूपैयाँ बढेर एक हजार ५ सय ४५ रूपैयाँमा कारोबार भइरहेको छ ।