काठमाडौं । सरकारले ट्रेजरी बिल्समार्फत १६ अर्ब ४ करोड रूपैयाँ बराबरको आन्तरिक ऋण उठाउने भएको छ । यसको बोलकबोल सोमबार दिउँसो २ बजे हुनेछ ।

नेपाल राष्ट्र बैंकले ९१ दिन र  १८२ दिनको लागि ट्रेजरी बिल्स जारी गर्न लागेका हो । इच्छुक बैंक तथा वित्तीय संस्थाले अनलाइन माध्यमबाट बोलकबोल गर्न सक्नेछन् ।

राष्ट्र बैंकले ९१ दिनको लागि ५ अर्ब ४ करोड रुपैयाँको ट्रेजरी बिल जारी गर्न लागेको छ । जुन  २०८० साल चैत्र २२ गते परिपक्व हुनेछ । त्यस्तै, १८२ दिनको लागि १० अर्ब रुपैयाँको ट्रेजरी बिल जारी गर्न लागेको हो । यो ट्रेजरी २०८१ जेष्ठ २२ गते परिपक्व हुनेछ ।