सरकारले ट्रेजरी बिल्समार्फत १६ अर्ब आन्तरिक ऋण उठाउँदै

वीरगञ्ज नाकाबाट १० महिनामा २० अर्ब ७९ करोडको खाद्यान्न आयात

सरकारले ट्रेजरी बिल्समार्फत १६ अर्ब आन्तरिक ऋण उठाउँदै

नेपालवाच २०८० मंसिर १७ गते १३:०२

काठमाडौं । सरकारले ट्रेजरी बिल्समार्फत १६ अर्ब ४ करोड रूपैयाँ बराबरको आन्तरिक ऋण उठाउने भएको छ । यसको बोलकबोल सोमबार दिउँसो २ बजे हुनेछ ।

नेपाल राष्ट्र बैंकले ९१ दिन र १८२ दिनको लागि ट्रेजरी बिल्स जारी गर्न लागेका हो । इच्छुक बैंक तथा वित्तीय संस्थाले अनलाइन माध्यमबाट बोलकबोल गर्न सक्नेछन् ।

राष्ट्र बैंकले ९१ दिनको लागि ५ अर्ब ४ करोड रुपैयाँको ट्रेजरी बिल जारी गर्न लागेको छ । जुन २०८० साल चैत्र २२ गते परिपक्व हुनेछ । त्यस्तै, १८२ दिनको लागि १० अर्ब रुपैयाँको ट्रेजरी बिल जारी गर्न लागेको हो । यो ट्रेजरी २०८१ जेष्ठ २२ गते परिपक्व हुनेछ ।