NepalWatch

News Portal For Eeverything In Nepal from Nepal

२०८० फागुन ८ गते

एक इन्टरनेट सेवाप्रदायकको लाइसेन्स खारेज

काठमाडौं । नेपाल दूरसञ्चार प्राधिकरणले एक इन्टरनेट सेवा प्रदायकको अनुमतिपत्र खारेज गरेको छ । प्राधिकरणबाट इन्टरनेट (ई–मेलसहित) सेवाको अनुमति लिएको हिमालय गोरखा नेट प्रालिको लाइसेन्स खारेज भएको हो ।

उक्त संस्थाले आफ्नो अनुमतिपत्रको नवीकरण नगरेकाले दूरसञ्चार ऐन २०५३ अनुसार खारेज गरिएको प्राधिकरणले जनाएको छ । सो ऐनको दफा २५(५) मा प्राधिकरणसँग अनुमति लिएर सञ्चालित संस्थाले नियमित नवीकरण नगरेमा स्वतः उसले प्राप्त गरेको लाइसेन्स खारेज गर्ने प्रावधान छ ।

प्राधिकरणले हिमालयनलाई ३० दिनभित्र कार्यालयको अनुमतिपत्र व्यवस्थापन शाखामा सम्पर्क गरी तिर्न, बुझाउन बाँकी रकमको कारोबार गर्न निर्देशन दिएको छ । अन्यथा कानूनअनुसार कारबाही प्रक्रिया अघि बढ्ने उसले प्रष्ट पारेको छ ।