धनुषा । धनुषामा बुधबारदेखि हराइरहेकी एक बालिका मृत अवस्थामा फेला परेकी छन् ।

धनुषाको सबैला नगरपालिका-९ कुसमहामा विवाहको मटकोर कार्यक्रमबाटै बेपत्ता ६ वर्षीया राखी यादवको शव सतोखर पोखरी नजिक पानी जमेको खाल्डोमा नग्न अवस्थामा फेला परेको हो । उनले लगाएका कपडा खाल्डो छेउमा फेला परेको जिल्ला प्रहरी कार्यालय धनुषाले जनाएको छ ।

शवको प्रकृति हेर्दा बलात्कार गरी उनको हत्या भएको जस्तो देखिए पनि पोष्टमार्टमपछि मात्रै बलात्कार गरेर हत्या भए÷नभएको खुल्ने प्रवक्ता डिएसपी रञ्जन अवाले बताए।

ती बालिका विवाहपञ्चमीको अवसरमा निकालिने मटकोरको रथ यात्रामा बुधबार सहभागी थिइन् । सतोखर पोखरीसम्म ती बालिका रथमै चढेर आएकी थिइन् । रथबाट २/३ जना युवकले उनलाई तल उतारेका थिए । सबैजना घर फर्किए पनि बालिका नफर्किएपछि उनको खोजी सुरु भएको थियो ।