काठमाडौं । हाल नेपालमा पश्चिमी वायुको आंशिक प्रभाव रहेको जल तथा मौसम विभाग, मौसम पूर्वानुमान महाशाखाले जनाएको छ ।

महाशाखाका अनुसार हाल देशका कोशी, मधेश, बागमती, गण्डकी र लुम्बिनी प्रदेशमा आंशिक बदली रही बाँकी भू(भागमा मौसम सामान्यतया सफा रहेको छ।

आज बुधबार दिउँसो देशभर आंशिक बदली देखि सामान्यतया मौसम सफा रहनेछ।

कोशी, मधेश, बागमती गण्डकी र लुम्बिनी प्रदेशमा आंशिक बदलीको अवस्था रहने मौसमविद् प्रतिभा मानन्धरले जानकारी दिइन् । उनका अनुसार हिमाली भेगमा पनि हिमपात र वर्षाको सम्भावना देखिएको छैन ।

त्यस्तै राति, देशभर आंशिक बदली देखि सामान्यतया मौमस सफा रहनेछ महाशाखाले जनाएको छ ।