काठमाडौं । नेपाल आयल निगम लिमिटेडले कार्यकारी निर्देशकका लागि दरखास्त आह्वान गरेको छ । निर्देशक नियुक्तिका लागि गठित सिफारिस समितिले खुल्ला प्रतिस्पर्धामार्फत पदपूर्ति गरिने जनाएको छ ।

उद्योग, वाणिज्य तथा आपूर्ति मन्त्रालय सम्बद्ध सार्वजनिक निकायमा पदाधिकारी नियुक्ति तथा मनोनयन सम्बन्धी निर्देशिका, २०७८ बमोजिम योग्यता पुगेकाले आवेदन दिन सक्ने सूचनामा उल्लेख छ ।

योग्य र इच्छुक नेपाली नागरिकले २१ दिन भित्र मन्त्रालयको सरकारी उद्योग तथा संस्थान शाखा, सिंहदरबार, काठमाडौंमा दरखास्त दिन सक्नेछन् ।

उक्त पदका लागि आवश्यक योग्यता, अनुभव, पेश गर्नुपर्ने कागजातलगायत विस्तृत विवरण मन्त्रालयको वेबसाइट https://www.moics.gov.np/np गएर हेर्नका लागि सूचनामा अनुरोध गरिएको छ ।