समाजवादी मोर्चाको बैठक साँझ पुन: बस्ने
काठमाडौं । आज बिहान प्रधानमन्त्रीको सरकारी निवास बालुवाटारमा बसेको समाजवादी मोर्चाको बैठक सकिएको छ ।
बैठक बुधबार साँझ ६ बजे पुनः बस्ने गरी सकिएको एकीकृत समाजवादीका उपाध्यक्ष राजेन्द्र पाण्डेले जानकारी दिए।
बैठकमा यसबीचमा भएका गतिविधिको रिपोर्टिङ भएको र आगामी गतिविधिबारे समय लिएर छलफल गर्नुपर्ने भएकाले बैठक साँझ ६ बजे पुनः बस्ने पाण्डेले बताए ।
पछिल्लो समय निष्क्रिय रहेको मोर्चालाई क्रियाशील तुल्याउन सहभागी दलहरू सक्रिय भएका छन् ।
२०८० असार ४ गते नेकपा माओवादी केन्द्र, जसपा, एकीकृत समाजवादी र विप्लव नेतृत्वको नेकपाका शीर्ष नेताहरुले समाजवादी मोर्चा गठन गरेका थिए ।
प्रतिक्रिया