काठमाडौं । अभिनेता दयाहाङ राई अभिनित फिल्म ‘डिग्री माइला: एमए थर्ड क्लास’ को आधिकारिक पोष्टर आउट गरिएको छ ।

बैशाख १ गते प्रदर्शन तयारीमा रहेको सो फिल्मको बिहीवार सार्वजनिक पोस्टरमा अभिनेता दयाहाङ राईको ‘क्यारेक्टर लुक्स’ चित्रण छ ।

रामबाबु गुरुङ निर्देशित शैक्षिक बेरोजगारको कथा बोकेको यो फिल्मको पोस्टरमा चस्मा लगाएको दयाहाङलाई गम्भीर पात्रका रुपमा चित्रण गरिएको छ ।

नेपालको शिक्षा प्रणाली र त्यसको उत्पादनशिलताको कथावस्तुमा बनेको फिल्ममा दयाहाङले शीर्ष पात्रको भूमिकामा अभिनय गरेका छन् ।

बाँसुरी फिल्मस र सुष्मा प्रोडक्सनले फिल्म निर्माणमा सहकार्य गरेका छन् । फिल्ममा दयाहाङको अलवा आँचल शर्मा, विजय बराल, माओत्से गुरुङ, बुद्धि तामाङ, प्रकाश घिमिरे लगायतको अभिनय रहेको छ ।