काठमाडौं । जिल्ला अदालत, काठमाडौंले बलात्कार मुद्दामा दोषी ठहर भएका क्रिकेटर सन्दीप लामिछानेलाई आज सजाय तोक्दै छ ।

लामिछाने पुस १३ गते गौशाला २६ माथिको बलात्कार मुद्दामा दोषी ठहर भएका थिए । जिल्ला अदालत, काठमाडौंका न्यायाधीश शिशिरराज ढकालले चार दिनको निरन्तर बहसपछि दोषी ठहर गरेका थिए भने सजाय तोक्न आजको (पुस २५ गतेको) पेसी तोकेका थिए ।

अदालतले गौशाला २६ नाबालिग नभएको ठहर गरेकाले सन्दीपलाई ७ देखि १० वर्षसम्म कैद सजाय हुने सम्भवना रहेको छ ।

अपराध संहिता २०७४ को दफा २१९(१),(२),(३) ङ बमोजिम १८ वर्षभन्दा माथिकालाई बलात्कार गरेको ठहर भएमा ७ देखि १० वर्षसम्म कैद सजाय हुने व्यवस्था छ ।