काठमाडौं । ललितपुरको इमाडोलमा एक महिला इनारमा खसेकी छन् ।

सोमबार बिहान ९: ५० बजे महालक्ष्मी नगरपालिका इमाडोल कृष्णमन्दिर नजिकै बस्ने दोलखा घर भएकी २८ वर्षीया न्यूटन प्रधान लुगा सुकाउने क्रममा इनारमा खसेको प्रहरीले जनाएको छ ।

प्रहरीका अनुसार अहिले उनको उद्धार प्रयास भइरहेको छ । ललितपुरका एसपी नवराज कार्कीका अुनसार कपडा सुकाउन जाँदा स्ल्याबमा टेकेको र त्यही बेला स्ल्याब फुटेर न्यूटन इनारमा खसेकी हुन् ।

उनी बोल्न सक्ने अवस्थामै छिन्। उनले उद्धारकर्मीसँग कुराकानी गर्दै निस्किने प्रयास गरिरहेको प्रहरीले बताएको छ।

प्रहरी वृत्त सातदोबाटोबाट डिएसपी उमेश जोशी नेतृत्त्वको टोली घटनास्थलमा खटिएका छन् भने सशस्त्र प्रहरी बल र नेपाली सेनाको टोली पनि उद्धारका लागि पुगेको छ।