दाङ। दाङमा एउटै रुखको हाँगामा झुण्डिएको अवस्थामा माइजू-भान्जाको शव फेला परेको छ ।

एउटै रुखमा झुण्डिएको अवस्थामा तुलसीपुर ३ निवासी माइजू ३४ वर्षीया बसन्ती थापा र सोही ठाउँका भाञ्जा १९ वर्षीय तुलसीराम घर्ती बुधबार अपरान्ह ४ बजेतिर मृत फेला परेका हुन् ।

उनीहरु पुस ९ गतेदेखि सम्पर्कविहीन थिए । उनीहरु हराएपछि थापाका श्रीमानले प्रहरीमा निवेदनसमेत दिएका थिए । थापाले दुई वर्षदेखि माताको रुपमा काम गर्दै आएकी थिइन् ।

इलाका प्रहरी कार्यालय तुलसीपुरका अनुसार सानो बखरिया जंगलमा पात टिप्न गएका स्थानीयहरुले शव देखेपछि प्रहरीलाई खबर गरेका हुन् । हराएको लामो समय भएपनि शव भने धेरै दिनको नभएको प्रहरीले जनाएको छ ।

घटनाबारे प्रहरीले थप अनुसन्धान अघि बढाएको छ ।