काठमाडौं । टेलिभिजन रियालिटी शो ‘द पोएट आइडल’ सिजन-२ मा अभिनेत्री केकी अधिकारी जजको भूमिकामा देखिने भएकी छिन् ।

कार्यक्रमका निर्देशक अमनप्रताप अधिकारीका अनुसार पहिलो सिजनमा जज रहेकी सुरक्षा पन्तको ठाउँमा केकी अनुबन्धित भएकी हुन् । अन्य तीन जजहरु उपेन्द्र सुब्बा, अनुप बराल र विप्लव प्रतीक भने दोस्रो सिजनमा पनि निरन्तर हुनेछन् ।

‘द पेएट आइडल’को दोस्रो सिजन माघ २२ गतेदेखि हिमालय टेलिभिजनमा प्रसारण हुँदैछ । प्रत्येक सोमबार र मंगलबार राति ९ बजे ‘द पोएट आइडल’ प्रसारण हुनेछ ।

यसपटक अडिसन राउण्डबाट १४ जना प्रतिस्पर्धी छानिएका छन् । कुल ३१ एपिसोड रहने यस सिजनको फिनाले जेठमा गर्ने तयारी छ ।