‘मेयर’ मा वर्षा राउत अनुबन्धित

नेपालवाच २०८० माघ २४ गते १९:४४

काठमाडौं । पटकथा प्रोडक्सनको निर्माण र दीपेन्द्र के खनालको निर्देशनमा बन्ने आगामी फिल्म ‘मेयर’को शीर्ष भूमिकामा वर्षा राउत अनुबन्धित भएकी छन् ।

बुधबार निर्माण कम्पनी र अभिनेत्री राउतबीच लिखित सहमति भएको हो । अभिनेत्री वर्षा राउतले पहिलो पटक अभिनेता खगेन्द्र लामिछानेसँग स्क्रिन सेयर गर्ने भएकी हुन् ।

यो फिल्ममा अर्पण थापा पनि यसअघि अनुबन्धित भइसकेका छन् । आगामी फागुन १५ देखि सर्लाहीमा छायांकन हुने मेयरको निर्माताको रुपमा दीपेन्द्र रहेका छन् ।

यो फिल्म सर्लाहीको बागमती नगरपालिकाका मेयर भरत थापाको जीवनबारे प्रेरित हुने बताइएको छ ।