आजदेखि इमर्जेन्सी कक्ष मर्मत गर्दै त्रिवि शिक्षण अस्पताल, उपचार के हुन्छ ?
काठमाडौं । त्रिवि शिक्षण अस्पतालको इमर्जेन्सी कक्ष आजदेखि मर्मत गरिने भएको छ । मर्मतका क्रममा उपचार यथावत् सञ्चालन भए पनि सीमित स्रोत र साधनका कारण सेवा प्रभावित हुने सम्भावना छ ।
त्रिवि शिक्षण अस्पतालले एक सूचना जारी गर्दै सोमबारदेखि केही दिन अस्पतालको आकस्मिक कक्ष मर्मत गर्न लागिएको जनाएको छ । आकस्मिक कक्ष मर्मतका क्रममा उपचार सेवा यथावत् चले पनि सीमित स्रोत र साधनका कारण असुविधा पर्न सक्ने अस्पतालको भनाइ छ । कस्ता बिरामीको उपचारमा असुविधा पर्न सक्छ भन्नेबारे भने अस्पताल प्रशासनले केही खुलाएको छैन ।
‘मिति २०८०/१०/२९ गतेदेखि केही दिन यस अस्पतालको इमर्जेन्सी कक्ष मर्मत गर्नुपर्ने भएको हुँदा सीमित स्रोत साधनस्रोतबाट उपचार गर्नुपर्ने अवस्थाले उपचारमा आउनुहुने बिरामीहरूमा पर्न जाने असुविधाका लागि त्रिवि शिक्षण अस्पताल क्षमता चाहन्छ,’ अस्पताल प्रशासनद्वारा जारी सूचनामा भनिएको छ ।
बिरामीको सर्वाधिक चाप हुने अस्पतालमा त्रिवि शिक्षण अस्पताल पर्छ । सरकारी अस्पताल भएकाले यहाँ देशको पूर्व मेचीदेखि पश्चिम महाकालीसम्मका बिरामी उपचारका लागि आउने गरेका छन् ।
ताजा अपडेट
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
-
राष्ट्रिय परिचयपत्र हुनेले अब लाइसेन्स बोक्नु नपर्ने
-
२५ चालकमाथि चेकजाँच हुँदा ६ जनाले लागुऔषध सेवन गरेर सवारी चलाएको भेटियो
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
प्रतिक्रिया