काठमाडौं । नेपालमा केही समययता पश्चिमी वायुको आंशिक प्रभाव रहेको छ । यही वायुको प्रभावले मौसममा बदलीदेखि वर्षासम्म भइरहेका छन् ।

मौसम पूर्वानुमान महाशाखाका अनुसार, अहिले देशको पहाडी भूभागमा आंशिक बदली भए पनि बाँकी भूभागको मौसम सामान्यतया सफा छ । तराई भने हुस्सु कुहिरोले लपेटिएको छ । जसका कारण त्यहाँको जनजीवन प्रभावित भएको छ ।

चिसोले विभिन्न स्वास्थ्य समस्या निम्त्याउन सक्ने भन्दै मौसमविद्ले सतर्क रहन आमनागरिकलाई अनुरोध गरेका छन् ।

मौसमविदका अनुसार, शुक्रबार ६ प्रदेशमा वर्षाको सम्भावना नदेखिए पनि एक प्रदेशमा पानी पर्न सक्छ । मौसमविदले गण्डकी प्रदेशको पहाडी भूभागका एक–दुई स्थानमा हल्का वर्षाको आकलन गरिएको हो ।

शुक्रबार राति पनि अधिकांश स्थानको मौसम सफा रहनेछ । दुई प्रदेशका उच्च पहाडी भूभागका एक स्थानमा भने हिमपात हुने मौसमविद्ले जनाएका छन् । मौसमविद्का अनुसार, गण्डकी र कोशीका उच्च पहाडी भूभागमा आज राति हिमपात हुने सम्भावना छ ।

शनिबार भने कुनै पनि प्रदेशमा वर्षाको छैन । महाशाखाले शुक्रबार बिहान जारी गरेको मौसम बुलेटिनमा आइतबार देशका केही भागमा वर्षा हुने जनाइएको छ ।