दुई विश्वविद्यालयको उपकुलपतिमा पुनः दरखास्त आह्वान
काठमाडौं । मध्यपश्चिमाञ्चल विश्वविद्यालय (मप) र सुदूरपश्चिम विश्वविद्यालय (सुप) को उपकुलपतिको स्थगित दरखास्त आह्वान प्रक्रिया पुनः अघि बढेको छ ।
दुवै विश्वविद्यालयको उपकुलपति नियुक्तिका लागि नाम सिफारिस गर्न गठित छनोट तथा सिफारिस समितिको सोमबारको निर्णयानुसार यसअघि स्थगित दरखास्तसम्बन्धी प्रक्रिया मंगलबार पुनः सञ्चालन गरिएको हो ।
योग्यता पुगेका इच्छुक उम्मेदवारले चैत १६ गते कार्यालय समयभित्र आवेदन दिन सक्ने छनोट समितिले जनाएका छन् ।
उपकुलपति नियुक्तिका लागि दुवै विश्वविद्यालयले यसअघि दरखास्त आह्वान गरेकोमा केहीले सहभागिता जनाएका थिए । तर गत फागुन ६ गते एकाएक दुवै विश्वविद्यालयको उपकुलपति छनोटका लागि थालिएको आवेदन प्रक्रिया स्थगन हुन पुगेको थियो ।
छनोट समितिका अनुसार, गत माघ २५ गते प्रकाशित सूचनाका आधारमा यसअघि आवेदन दिएकाले भने पुनः आवेदन दिनु पर्दैन । उनीहरूलाई यसअघि दिएको आवेदनकै आधारमा प्रक्रियामा सामेल गरिनेछ ।
ताजा अपडेट
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
-
राष्ट्रिय परिचयपत्र हुनेले अब लाइसेन्स बोक्नु नपर्ने
-
२५ चालकमाथि चेकजाँच हुँदा ६ जनाले लागुऔषध सेवन गरेर सवारी चलाएको भेटियो
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
प्रतिक्रिया