खानेपानीका चार इन्जिनियरको बढुवा

नागरिक लगानी कोष र नबिल बैंकबीच अवकाश कोष व्यवस्थापन सम्झौता

नेपालवाच २०८१ वैशाख ४ गते ९:३६

काठमाडौं । खानेपानी मन्त्रालयमा कार्यरत चार इन्जिनियर बढुवा सिफारिस भएका छन् ।

मन्त्रालयको बढुवा सिफारिस समितिको वैशाख २ गतेको बैठकले सिभिल इन्जिनियर समूहका चार इन्जिनियरको राजपत्रांकित तृतीय श्रेणीमा बढुवा सिफारिस गर्ने निर्णय गरेको हो ।

बढुवाका लागि सिफारिस गरिएका इन्जिनियरहरूमा जितकुमार महतो, कल्पना थापा, भक्तिप्रसाद काफ्ले र पूर्णबहादुर वली छन् ।

लोक सेवा आयोगको गत कात्तिक २९ गते प्रकाशित सूचनाबमोजिम रिक्त पदमा बढुवा सिफारिस गरिएको बढुवा समितिको सचिवालयले जनाएको छ ।