काठमाडौं । कतारका राजाको नेपाल भ्रमणको अवसरमा मंगलबार सरकारले सार्वजनिक बिदा दिने निर्णय गरेको छ । सोमबारको मन्त्रिपरिषद्को बैठकले बिदा दिने निर्णय गरेको हो ।

सञ्चार तथा सूचना प्रविधिमन्त्री रेखा शर्माका अनुसार कतारका राजा शेख तमिम बिन हमाद अल थानीको भ्रमणको दिन पारेर मंगलबार सार्वजनिक विदाको निर्णय गरिएको हो। उनी मंगलबार नेपाल आउँदैछन् । पहिलो पटक भ्रमण हुन लागेकाले बिदा दिने निर्णय सरकारले गरेको हो ।